διδακτικές περιπλανήσεις

φιλόλογοι όλου του κόσμου... δικτυωθείτε

Κόλλιας Χρήστος

Ποτιδαιᾶται πέμψαντες μέν καί παρ’ Ἀθηναίους πρέσβεις, εἴ πως πείσειαν μή σφῶν πέρι νεωτερίζειν μηδέν , ἐλθόντες δέ καί ἐς τήν Λακεδαίμονα μετά Κορινθίων , ἔπρασσον , ὅπως ἑτοιμάσαιντο τιμωρίαν , ἤν δέῃ , ἐπειδή ἔκ τε Ἀθηναίων ἐκ πολλοῦ πράσσοντες οὐδέν ηὕροντο ἐπιτήδειον , ἀλλ’ αἱ νῆες αἱ ἐπί Μακεδονίαν καί ἐπί σφᾶς ὁμοίως ἔπλεον , καί τά τέλη τῶν Λακεδαιμονίων ὑπέσχετο αὐτοῖς , ἤν ἐπί Ποτίδαιαν ἴωσιν Ἀθηναῖοι , ἐς τήν Ἀττικήν ἐσβαλεῖν , τότε δή κατά τόν καιρόν τοῦτον ἀφίστανται μετά Χαλκιδέων και Βοττιαίων κοινῇ ξυνομόσαντες.   Καί Πέρδικας πείθει Χαλκιδέας τάς ἐπί θαλάσσῃ πόλεις ἐκλιπόντας καί καταλαβόντας ἀνοικίσασθαι ἐς Ὄλυνθον μίαν τε πόλιν ταύτην ἰσχυράν ποιήσασθαι ˚ τοῖς τε ἐκλιποῦσι τούτοις τῆς ἑαυτοῦ γῆς τῆς Μυγδονίας περί τήν Βόλβην λίμνην ἔδωκε νέμεσθαι , ἕως ἄν ὁ πρός Ἀθηναίους πόλεμος ᾖ . καί οἱ μέν ἀνῳκίζοντο τε καθαιροῦντες τάς πόλεις καί ἐς πόλεμον παρεσκευάζοντο.